Fæðingardagurinn

Pabbi var að taka til í gömlum skjölum hjá sér og rakst þar á fæðingar- og skírnarvottorð sem var gefið út í tilefni af því að sonur hans Baldur Smári hafi komið í heiminn og verið skírður í Hólskirkju. Mér krossbrá þegar pabbi rétti mér vottorðið, sem er undirritað af sjálfum Gunnari Björnssyni þáverandi sóknarpresti í Bolungarvíkurprestakalli, því þar stendur að ég sé fæddur 20. apríl 1976 en ekki 21. apríl eins og ég hef alltaf haldið. Mamma er samt með það á hreinu að ég hafi komið í heiminn að kvöldi 21. apríl 1976 en ég ætla samt að láta séra Agnesi fletta þessu upp í kirkjubókum Hólskirkju til að ganga úr skugga um að þar sé skráður réttur fæðingardagur.

Athugasemdir

[Ingólfur H Þorleifsson, 12.12.2007 kl. 22:03]

Það gæti sem sagt farið þannig að þú sért mikið eldri en þú hélst. Ertu búinn að tala um þetta við sambýliskonu þína

[Ragna Jóhanna Magnúsdóttir , 12.12.2007 kl. 23:33]

Ertu bara aprílgabb, Baldur minn?

[Halla Signý Kristjánsdóttir (IP-tala skráð) 13.12.2007 kl. 08:27]

Frændi minn sem fæddist í sömu sveit og ég árið 1954 var skráður í þjóðskrá heilum mánuði á eftir sínum fæðingardegi, og því var ekki breytt, þannig að Baldur minn!!!ertu kannski jafngamall jólasveinunum??????????????

[Baldur Smári Einarsson, 13.12.2007 kl. 11:31]

Ég vona að ég sé ekki eldri en ég hef hingað til talið mig vera, ég treysti líka mömmu betur en prestinum góða.

[Magnús Már Einarsson, 14.12.2007 kl. 10:03]

Þú ættir að ræða þetta við hann Gumma Pál. Mér skilst að hann eigi tvo skráða fæðingardaga líka. Gætuð stofnað með ykkur félag ;)