Blómlegri Bolungarvík

Mér hlýnaði um hjartaræturnar þegar ég las Moggann í gær. Þar var m.a. auglýsing frá SPRON sem bar yfirskriftina "Blómlegri dalir" þar sem hálf síðan var lögð undir fallega mynd frá Bolungarvík. Þar var Hóllinn okkar í aðalhlutverki en einnig mátti sjá Hólsána og sóleyjar þar í kring auk sjálfrar Hólskirkju sem skartar ætíð sínu fegursta á fögrum sumardögum.

Ég velti fyrir mér í framhaldinu hvaða augum gestir líta Bolungarvík, er þetta blómleg byggð eða algjört krummaskuð? Í mínum augum er Bolungarvík frábært bæjarfélag sem getur þó alltaf orðið betra. Í augum gesta virðist sem Bolungarvík sé blómleg byggð - ég vona að heimamenn taki undir það og hafi trú á samfélaginu okkar. Það er lykillinn að blómlegri Bolungarvík í framtíðinni.

En að öðru...  í fyrramálið held ég til Islantilla á Spáni þar sem ég ætla að spila golf í góðra vina hópi næstu 10 dagana. Ég vonast til að geta fært ykkur ferskar fréttir af gangi mála að kvöldi hvers dags... en ég lofa engu.

Kærar kveðjur úr Kópavoginum...

...p.s. það er gott að búa í Kópavogi en það er miklu betra að búa í Bolungarvík!          

Athugasemdir

[Pálína Jóhanns (IP-tala skráð) 27.4.2007 kl. 10:14]

Góða ferð Baldur og er það ekki skál í gin og lemon...

[Ragna Jóhanna Magnúsdóttir , 27.4.2007 kl. 11:45]

Góða ferða Baldur og gerðu nú ekkert sem ég myndi ekki gera

[Katrín, 27.4.2007 kl. 12:29]

Í Kópavogi er flottasti bæjarstjórinn  Góða ferð og skál í G&T..hóflega þó